Oltinsoy tumanining Paxtakor hududidagi paxta maydonlarida zararkunandalarga qarshi kurash ishlari kuchaytirildi. O‘simliklar karantini va himoyasi agentligi mutaxassislari tomonidan o‘rnatilgan feromon tutqichlarning samaradorligi joyiga chiqib o‘rganilmoqda.
Monitoring davomida tutqichlarning holati tekshirilib, fermerlarga zararkunandalarni erta aniqlash va hosilni asrash bo‘yicha tavsiyalar berildi.
O‘z vaqtida olib borilgan agrotexnik tadbirlar mo‘l hosil va sifatli paxta yetishtirishda muhim omil bo‘lib xizmat qiladi.
