Surxondaryoda o‘tkazilgan “Yangi O‘zbekiston Olimpiya cho‘qqilari” sport loyihasi hamda “Hokim Olimpiadasi” doirasidagi basketbol 3×3 musobaqalari yosh sportchilarning iste’dodi va jamoaviy mahoratini namoyon etdi.
Viloyatning turli hududlaridan tashrif buyurgan jamoalar o‘rtasidagi bahslar murosasiz va qiziqarli kechdi. Ayniqsa, Qumqo‘rg‘on tumani sport maktabi qizlar jamoasi faol harakati, tezkor hujumlari va o‘zaro hamjihatligi bilan ajralib turib, faxrli 1-o‘rinni qo‘lga kiritdi.
Musobaqa nafaqat g‘oliblarni aniqladi, balki yoshlar orasida sog‘lom turmush tarzini targ‘ib qilish, basketbolni ommalashtirish hamda kelajak chempionlarini kashf etishda muhim maydonga aylandi.
