Ijtimoiy himoyaga muhtoj oilalarni qo‘llab-quvvatlash, bolalar salomatligini tiklash va ularning hayot sifatini yaxshilash davlat siyosatining muhim yo‘nalishlaridan biridir. Ayniqsa, ehtiyojmand oilalarga amaliy yordam ko‘rsatish orqali jamiyatda mehr-oqibat va insonparvarlik tamoyillari mustahkamlanmoqda.
Prezidentimiz tashabbusi va topshiriqlariga muvofiq Qurbon hayiti munosabati bilan ijtimoiy himoyaga muhtoj hamda turli kasalliklarga chalingan bolalarning jarrohlik amaliyotlari xarajatlari “Vaqf” xayriya jamoat fondi tomonidan qoplab berilmoqda.
Shu doirada bugun Termiz tumanida istiqomat qiluvchi ikki oilaga farzandlarining jarrohlik amaliyotlari uchun maxsus vaucherlar topshirildi.
Mazkur tashabbus orqali oilalarga amaliy ko‘mak ko‘rsatish, bolalarning sog‘lig‘ini tiklash hamda jamiyatda ijtimoiy qo‘llab-quvvatlash tizimini yanada kuchaytirishga alohida e’tibor qaratilmoqda.
