Maktabgacha ta’lim tizimini rivojlantirish, bolalar uchun zamonaviy va qulay sharoitlar yaratish bugungi kunda ta’lim sohasidagi ustuvor yo‘nalishlardan biri hisoblanadi. Ayniqsa, hududlarda yangi maktabgacha ta’lim tashkilotlarining ochilishi yosh avlod tarbiyasida muhim ahamiyat kasb etmoqda.
Oltinsoy tumanida 5-sonli maktabgacha ta’lim tashkilotining ochilish marosimi bo‘lib o‘tdi. Marosimda bolajonlar uchun yaratilgan sharoit va imkoniyatlar bilan yaqindan tanishildi.
Ta’kidlanganidek, mazkur maktabgacha ta’lim tashkilotining foydalanishga topshirilishi hududda maktabgacha ta’lim qamrovini kengaytirish, bolalarning sifatli ta’lim-tarbiya olishi hamda barkamol avlod bo‘lib voyaga yetishida muhim o‘rin tutadi.
