Inson hayotini saqlab qolishda donorlikning o‘rni beqiyos. Ayniqsa, murakkab operatsiyalarni boshdan kechirgan yoki og‘ir xastalik bilan kurashayotgan bemorlar uchun qon topshirish katta yordam va insonparvarlik namunasi hisoblanadi.
Shu maqsadda “Yuksalish” harakati Surxondaryo viloyati hududiy bo‘linmasi tashabbusi bilan viloyat qon quyish stansiyasida “Biz donormiz” shiori ostida qon topshirish aksiyasi tashkil etildi.
Aksiyada Ichki ishlar boshqarmasi, Favqulodda vaziyatlar boshqarmasi hamda tibbiyot xodimlari faol ishtirok etib, bemorlarni qo‘llab-quvvatlashga o‘z hissalarini qo‘shdilar. Ushbu tashabbus jamiyatda mehr-oqibat, birdamlik va insonparvarlik qadriyatlarini yanada mustahkamlashga xizmat qilmoqda.
