Alohida ta’lim ehtiyojiga ega bolalar uchun mo‘ljallangan maktablarda samarali va adolatli boshqaruvni ta’minlash muhim ahamiyatga ega. Shu maqsadda Ijtimoiy himoya milliy agentligi Surxondaryo viloyati boshqarmasi boshlig‘i boshchiligida maktab direktorlari ishtirokida yig‘ilish o‘tkazildi.
Yig‘ilishda korrupsiyaning oldini olish, xizmat vazifalarini halol va mas’uliyat bilan bajarish, murojaatlar bilan ishlashda qonuniylik va adolatni ta’minlash masalalari muhokama qilindi. Shuningdek, shaffof boshqaruvni yo‘lga qo‘yish, jamoatchilik ishonchini mustahkamlash va ta’lim jarayonida teng imkoniyatlarni yaratish yo‘llari ko‘rib chiqildi.
Tadbir yakunida mas’ul rahbarlarga korrupsiyaga qarshi qat’iy munosabatni shakllantirish va xizmat intizomiga rioya qilish bo‘yicha tavsiyalar berildi.
