Yoshlarning bilimga bo‘lgan qiziqishini oshirish, iqtidorli o‘quvchilarni qo‘llab-quvvatlash hamda ularning intellektual salohiyatini namoyon etish maqsadida Termiz davlat universitetida “Rektor olimpiadasi” yuqori saviyada tashkil etildi.
Olimpiadada viloyatdagi umumta’lim maktablari, akademik litsey va kasb-hunar maktablarining 150 nafar bitiruvchi sinf o‘quvchilari matematika, tarix, ona tili va adabiyoti, ingliz tili, geografiya hamda huquqshunoslik fanlari bo‘yicha o‘z bilimlarini sinovdan o‘tkazdi. Tanlov jarayonlari shaffof va adolatli tarzda, videokuzatuv ostida olib borildi.
Yakuniy natijalarga ko‘ra:
▪️ Ona tili va adabiyoti — Feruzaxon Mamasaidova;
▪️ Tarix — Dilnoza Norboyeva;
▪️ Ingliz tili — Sabina Sobirjonova;
▪️ Geografiya — Adham Raximberdiyev;
▪️ Matematika — Gavharshod Yo‘ldosheva;
▪️ Huquqshunoslik — Quvonchbek Ramazonov g‘oliblikni qo‘lga kiritdi.
Tadbir viloyat Maktabgacha va maktab ta’limi boshqarmasi hamkorligida tashkil etilib, g‘oliblar universitet tomonidan diplom va esdalik sovg‘alari bilan taqdirlanadi.
