18-may — Xalqaro muzeylar kuni munosabati bilan Surxondaryo viloyatida yoshlar va harbiy xizmatchilar uchun ma’naviy-ma’rifiy sayohat tashkil etildi. Tadbirda Termiz va Xayraobod garnizonlari harbiylari, ularning oila a’zolari hamda yoshlar ishtirok etdi.
Sayohat davomida ishtirokchilar Termiz san’at va madaniyat muzeyi, Termiz arxeologiya muzeyi hamda Denov tumanidagi Surxondaryo milliy qadriyatlar muzeyida bo‘lib, xalqimiz tarixi va boy madaniy merosini aks ettiruvchi noyob eksponatlar bilan tanishdilar.
Mutaxassislar tomonidan tarixiy merosni asrash, milliy qadriyatlarni kelajak avlodga yetkazish borasidagi ishlar haqida ma’lumotlar berildi. Mazkur tadbir yoshlarda vatanparvarlik, milliy g‘urur va tarixiy merosga hurmat tuyg‘ularini yanada mustahkamlashga xizmat qildi.
