Uzun tumanida O‘zbekiston Respublikasi Prezidentining 2026-yil 7-apreldagi PQ-134-son qarori ijrosi yuzasidan amaliy ishlar olib borilmoqda. Mazkur qarorga asosan, tuman 1-son texnikumi o‘qituvchilari tomonidan DXX Chegara qo‘shinlari harbiy xizmatchilarini kasb-hunarga o‘qitish bo‘yicha mashg‘ulotlar tashkil etildi.
Mashg‘ulotlar davomida harbiy xizmatchilarga “Avtomobillarga texnik xizmat ko‘rsatish va ta’mirlash” hamda “Kompyuter grafikasi va dizayn operatori” yo‘nalishlari bo‘yicha nazariy va amaliy bilimlar berilmoqda.
Bu kabi o‘quv mashg‘ulotlari harbiy xizmatchilarning kasbiy ko‘nikmalarini oshirish, ularni zamonaviy kasblarga yo‘naltirish hamda kelgusida bandligini ta’minlashda muhim ahamiyat kasb etmoqda.
