Toshkent shahri mezbonlik qilgan o‘smir qizlar o‘rtasidagi boks bo‘yicha Osiyo chempionati o‘z yakuniga yetdi. Musobaqaning 70 kg vazn toifasida yurtimiz sharafini munosib himoya qilgan jarqo‘rg‘onlik iqtidorli bokschi Karina Ilmuratova final jangida Hindiston vakili Himanshiga qarshi ringga ko‘tarildi.
Murosasiz va shiddatli kechgan final bahsida vakilamiz butun jang davomida mutlaq ustunlik namoyish etib, 5:0 hisobida ishonchli g‘alabani qo‘lga kiritdi hamda Osiyo chempioni degan sharafli nomga sazovor bo‘ldi.
