Termiz shahrida 2026-yilgi “Besh tashabbus paralimpiadasi” sport musobaqalarining viloyat bosqichi bo‘lib o‘tdi. Musobaqada viloyatning barcha shahar va tumanlaridan saralangan nogironligi bo‘lgan parasportchilar ishtirok etib, o‘z mahorati va imkoniyatlarini namoyon etdilar.
Oltinsoy tumani sharafini munosib himoya qilgan ishtirokchilar ham yuqori natijalarni qayd etdilar. Muhammadxanifa Avaljonov para armrestling sport turi bo‘yicha, uzunlikka sakrash bahslarida Javohir Shermatov 1-o‘rinni qo‘lga kiritdilar. Surdo badminton sport turi bo‘yicha O‘rol Sodiqov 3-o‘rin sohibi bo‘ldi.
