Termiz shahrida “Yangi O‘zbekiston Olimpiya cho‘qqilari” va “Prezident Olimpiadasi”ning 2-bosqichi — “Hokim Olimpiadasi” musobaqalarining tantanali ochilish marosimi bo‘lib o‘tdi.
Dastlabki bellashuvlar dzyudo va gandbol sport turlari bo‘yicha start oldi. Unda tuman va shahar bosqichlarida g‘olib bo‘lgan iqtidorli yosh sportchilar o‘zaro bahs olib bormoqda.
Mazkur musobaqalar yoshlar orasida sportni ommalashtirish, sog‘lom turmush tarzini targ‘ib qilish hamda kelajak chempionlarini kashf etishda muhim ahamiyat kasb etadi. G‘oliblar esa respublika bosqichida viloyat sharafini himoya qiladi.
