Surxondaryo viloyatida informatika va axborot texnologiyalari fani o‘qituvchilari uchun “INFOTEACH” 2026 Respublika forumi boshlandi. Forum doirasida sun’iy intellekt, kiberxavfsizlik, raqamli ta’lim va zamonaviy pedagogik yondashuvlarga oid dolzarb mavzular muhokama qilinmoqda.
Tadbirda tajribali mutaxassis va spikerlar ta’limdagi innovatsiyalar hamda kelajak ta’limining istiqbollari yuzasidan o‘z bilim va tajribalari bilan o‘rtoqlashmoqda. Forum o‘qituvchilarning kasbiy mahoratini oshirish, zamonaviy bilim va ko‘nikmalarini mustahkamlashda muhim ahamiyat kasb etadi.
