15-may — Xalqaro oila kuni munosabati bilan “Farovon oila sari” oyligi doirasida tumandagi namunali oilalarga “Ibratli oila” ko‘krak nishoni topshirildi. Bu yil 9 ta oila ushbu e’tirofga munosib deb topildi.
Tadbirda so‘zga chiqqanlar tomonidan mazkur oilalarning farzandlarni vatanparvarlik va milliy qadriyatlarga hurmat ruhida tarbiyalash, yoshlar ta’limi hamda sog‘lom turmush tarzini targ‘ib etishdagi o‘rni alohida ta’kidlandi.
Bunday e’tiroflar jamiyatda mustahkam oila muhitini shakllantirish, yosh oilalarni qo‘llab-quvvatlash va ibratli hayot tarzini keng targ‘ib qilishda muhim ahamiyat kasb etadi.
