Shunday o‘g‘ling bo‘lsa!

43-Bolqon Matematika Olimpiadasida tarixiy natija qayd etib, oltin medalni qo‘lga kiritgan surxondaryolik o‘quvchilar — Javohir Anvarov hamda Elshod O‘ralovlar Termiz temiryo‘l vokzalida tantanali ravishda kutib olindi.
Viloyat Maktabgacha va maktab ta’limi boshqarmasi boshlig‘i Bekzod Tashpo‘latov yoshlarni samimiy qarshi olib, ularning xalqaro maydondagi ulkan yutug‘i bilan qutladi.
Shuningdek, o‘quvchilar tahsil oladigan Termiz shahridagi 14-sonli maktabda ham tadbir tashkil etildi.
Yosh matematiklarning yutuqlari viloyatimiz ta’lim tizimi va intellektual salohiyatini namoyon etadi hamda yoshlarga ilhom bag‘ishlaydi.