Sho‘rchi tumanida “Murod shifo” xususiy tibbiy markazining ochilishi aholiga ko‘rsatilayotgan tibbiy xizmatlar sifatini yanada yaxshilashga xizmat qildi. Zamonaviy uskunalar bilan jihozlangan markazda aniq tashxis qo‘yish va samarali davolash imkoniyatlari kengaytirildi.
Yangi muassasaning ishga tushirilishi natijasida 53 nafar fuqaro doimiy ish bilan ta’minlandi. Bu esa nafaqat sog‘liqni saqlash tizimini rivojlantirish, balki hududda bandlikni oshirishga ham muhim hissa qo‘shmoqda.
Mazkur loyiha aholi salomatligini mustahkamlash, tibbiy xizmatlar sifatini oshirish va sohada amalga oshirilayotgan islohotlarning amaliy natijasini namoyon etmoqda.
