Sport musobaqalari yoshlar o‘rtasida sog‘lom turmush tarzini keng targ‘ib etish, jamoaviy ruh va g‘alabaga intilish fazilatlarini mustahkamlashda muhim ahamiyat kasb etadi. Talabalar sporti esa yoshlarning nafaqat jismoniy, balki ma’naviy salohiyatini ham namoyon etadi.
“Yangi O‘zbekiston talabalari olimpiadasi” sport musobaqalarining viloyat bosqichida gandbol bo‘yicha qizg‘in va murosasiz bahslar bo‘lib o‘tdi. Unda viloyatdagi 6 ta oliy ta’lim muassasasi jamoalari g‘oliblik uchun maydonga tushdi.
Musobaqa yakunlariga ko‘ra, Termiz davlat universiteti jamoalari mutlaq ustunlikni qo‘lga kiritib, ham erkaklar, ham ayollar o‘rtasida faxrli 1-o‘rinni egalladi. Endilikda TerDU vakillari respublika bosqichida Surxondaryo viloyati sharafini himoya qiladi. Ushbu natija talabalarining matonati, jamoaviy birdamligi va sportdagi yuksak salohiyatining yana bir yorqin ifodasi bo‘ldi.
