Adib Sobir Termiziy nomidagi kutubxona markazida Respublika Ma’naviyat va ma’rifat markazi Surxondaryo viloyati bo‘limi tashabbusi bilan “Do‘stlik adabiyoti haftaligi” hamda “Vatanimiz — O‘zbekiston” mavzusida ma’naviy-ma’rifiy tadbir tashkil etildi.
Tadbirda milliy madaniyat markazlari vakillari, ijodkorlar, shoir va yozuvchilar, shuningdek, talaba-yoshlar faol ishtirok etdilar. Dastur davomida turli tillarda ijro etilgan qo‘shiqlar, sahna ko‘rinishlari hamda badiiy chiqishlar namoyish etildi.
Chiqishlar orqali Vatanga muhabbat, tinchlik, do‘stlik va hamjihatlik g‘oyalari keng targ‘ib qilinib, ishtirokchilarda katta taassurot qoldirdi.
