Qiziriq tumanida ommaviy sport kuni keng jamoatchilik ishtirokida tashkil etildi. Tadbirda tuman hokimi, mutasaddi rahbarlar, nuroniylar, tashkilot va muassasalar xodimlari hamda yoshlar faol qatnashdi.
Mazkur tadbir Prezidentimiz raisligida 7-aprel kuni o‘tkazilgan videoselektor yig‘ilishida belgilangan vazifalar — sportni ommalashtirish va mahallalarda sport infratuzilmasini rivojlantirish yo‘nalishidagi ishlarning amaliy ifodasi bo‘ldi.
Ommaviy sport kuni aholi o‘rtasida sog‘lom turmush tarzini keng yoyish, yoshlarni jismoniy faollikka jalb etish, sportga qiziqishni oshirish hamda jamiyatda hamjihatlik muhitini mustahkamlashda muhim ahamiyat kasb etadi.
