Termiz shahridagi 16-maktabda “Eng yaxshi huquq o‘qituvchisi” tanlovining viloyat bosqichi bo‘lib o‘tdi. Unda hududiy bosqich g‘oliblari ishtirok etib, o‘z bilim va pedagogik mahoratlarini sinovdan o‘tkazdilar.
Yakuniy natijalarga ko‘ra, Qiziriq tumanidan Dilrabo Sa’dullayeva 1-o‘rinni, Qumqo‘rg‘ondan Turdimurod Xo‘shboqov 2-o‘rinni, Uzun tumanidan Rustam Do‘stnazarov esa 3-o‘rinni egalladi.
Mazkur tanlov ta’lim sifatini oshirish, huquqiy bilimlarni chuqurlashtirish hamda o‘qituvchilarning kasbiy salohiyatini rivojlantirishda muhim ahamiyat kasb etadi.
