“Sho‘rchidonmahsulotlari” AJ qoshidagi tumanlararo boks sport zalida 2012–2013-yillarda tug‘ilgan o‘smirlar o‘rtasida Surxondaryo viloyati chempionati bo‘lib o‘tdi.
Musobaqada yosh bokschilar yuqori tayyorgarlik, kuchli iroda va texnik mahorat namoyish etib, har bir jangda murosasiz kurash olib bordi. Ayniqsa, Termiz shahri jamoasi barqaror va ishonchli chiqishlari bilan 1-o‘rinni qo‘lga kiritdi. Sho‘rchi tumani jamoasi 2-o‘rinni egallagan bo‘lsa, Denov va Oltinsoy tumanlari jamoalari 3-o‘rinni bo‘lishib oldi.
Yosh sportchilarning sahnadagi qat’iyati va mehnati ularning kelajakda yirik musobaqalarda ham munosib natijalar qayd etishiga mustahkam zamin yaratmoqda.
