Muzrabot tumanida markazlashgan pillachilikni rivojlantirish orqali yangi ish o‘rinlari yaratilmoqda. “Shaffof” mahallasida joylashgan sobiq bino negizida tashkil etilgan loyihada hozirda 100 dan ortiq quti ipak qurti parvarish qilinmoqda.
Mazkur tashabbus doirasida 25 nafar xotin-qizlar doimiy ish bilan ta’minlanib, ular uchun zarur sharoitlar yaratilgan hamda issiq ovqat yo‘lga qo‘yilgan. Parvarish jarayoni uzluksiz tut bargi bilan ta’minlanib, qat’iy nazorat ostida olib borilmoqda.
Ushbu loyiha nafaqat aholi bandligini oshirish, balki hududda pillachilikni zamonaviy asosda rivojlantirish orqali iqtisodiy barqarorlikni mustahkamlashda muhim ahamiyat kasb etmoqda.
