Sherobod tumanida umumta’lim maktablari uchun “Noshirdan kitobxongacha” shiori ostida kitob savdo aksiyasi tashkil etildi. Unda o‘quvchilar, o‘qituvchilar va ota-onalar uchun badiiy, ilmiy-ommabop hamda bolalar adabiyotlari keng taqdim etildi.
Kitoblarning bevosita nashriyotlardan olib kelinishi ularni arzon va qulay narxlarda xarid qilish imkonini yaratdi. Aksiya davomida mutolaa madaniyatini oshirishga qaratilgan suhbatlar, tavsiyalar va ko‘rgazmalar ham tashkil etildi.
Mazkur tashabbus yoshlar o‘rtasida kitobga bo‘lgan qiziqishni kuchaytirish, bilimga intilish va ma’naviy salohiyatni yuksaltirishda muhim ahamiyat kasb etadi.
