Surxondaryo viloyatida “Muhandislik–ixtirochilik” olimpiadasining viloyat bosqichi bo‘lib o‘tdi. Termiz shahridagi 26-maktabda tashkil etilgan ushbu musobaqa iqtidorli o‘quvchilarni bir maydonga jamladi.
Olimpiada yoshlarning texnik fikrlashini rivojlantirish, muhandislikka qiziqishini oshirish hamda ularning ixtirochilik salohiyatini yuzaga chiqarishda muhim ahamiyat kasb etdi.
Hududlardan kelgan bilimli va izlanuvchan o‘quvchilar o‘z g‘oyalari, bilim va ko‘nikmalarini sinovdan o‘tkazdi. Bu kabi tanlovlar kelajak muhandislari va innovatorlarini tarbiyalashda muhim poydevor bo‘lib xizmat qiladi.
