Sport maydonlarida erishilayotgan yutuqlar nafaqat individual muvaffaqiyat, balki yurt sha’nini yuksaltiruvchi muhim natijadir. Qozog‘istonning Chimkent shahrida o‘tkazilgan Osiyo chempionati ham ana shunday quvonchli natijalarga boy bo‘ldi.
O‘smirlar, yoshlar va kattalar o‘rtasida o‘tkazilgan O‘zbek jang san’ati bo‘yicha Osiyo chempionatida 15 davlatdan 500 nafardan ortiq sportchi ishtirok etdi. Musobaqalar “Bellashuv – Temuriylar jang usuli” yo‘nalishida kechdi.
Nufuzli bellashuvda Denov tumani jamoasi ham munosib qatnashib, yuqori natijalarga erishdi. Yakuniy hisobda sportchilar 1 ta oltin, 2 ta kumush va 3 ta bronza medalni qo‘lga kiritdi. Bu natija Denov sport maktabi va yoshlarning puxta tayyorgarligini yaqqol namoyon etdi.
