Muzrabot tumani IIB boshlig‘i tomonidan yoshlarni vatanparvarlik ruhida tarbiyalash maqsadida harbiy qismga sayohat tashkil etildi. Tadbirda tuman IIB boshlig‘i podpolkovnik G‘.A. Badalov boshchiligida Vatanga sadoqat ruhida kamol topayotgan yoshlar ishtirok etdi.
Sayohat davomida yoshlarga harbiy qismdagi zamonaviy texnikalar, qurol-aslahalar namoyish etildi. Shuningdek, yurt tinchligi yo‘lida xizmat qilayotgan harbiy xizmatchilar bilan ochiq muloqot tashkil etilib, ularning xizmat faoliyati haqida atroflicha ma’lumotlar berildi.
Bu kabi tadbirlar yoshlarning Vatanga muhabbatini yanada mustahkamlash, ularni yurtimiz tinchligi va xavfsizligini asrashdek sharafli burchga ruhlantirishda muhim ahamiyat kasb etadi.
