Bandixon tuman ixtisoslashtirilgan maktabi o‘quvchisi Diyorbek O‘ralov Amerika Qo‘shma Shtatlaridagi University of Minnesota oliy ta’lim muassasasiga gumanitar fanlar yo‘nalishida qabul qilindi.
Tuman hokimligi ma’lumotiga ko‘ra, Diyorbek mamlakatimizdagi ilg‘or pedagogik sharoitlardan oqilona foydalanib, a’lo baholarga o‘qimoqda, ilm-fan sirlarini chuqur egallamoqda. Bandixon maktabida yoshlar “Yosh akademiklar” klubi va fan to‘garaklari orqali iqtidorini rivojlantirish imkoniyatiga ega.
Bu yutuq nafaqat o‘quvchining shaxsiy muvaffaqiyati, balki O‘zbekistonning yosh avlodini zamonaviy bilim va tajriba bilan ta’minlashdagi muvaffaqiyatlaridan dalolat beradi.
