Prezident Shavkat Mirziyoyevning Surxondaryo viloyatiga tashrifida vohaning quyoshli iqlimidan samarali foydalanish maqsadida Ispaniyaning Almeriya hududi tajribasi asosida 1 ming gektar maydonda quyosh energiyasi bilan isitiladigan issiqxonalar tashkil etish vazifasi belgilandi.
Ayni paytda Sherobod tumanida “Sherobod Asset Green” MCHJ tomonidan yuqori texnologik, energiya tejamkor issiqxonalar faoliyat yuritmoqda. Davlat rahbarining qaroriga muvofiq, Sherobod tumanida 940 gektar maydonda zamonaviy issiqxona majmualari barpo etilishi rejalashtirilgan.
Mazkur loyihalar hududda qishloq xo‘jaligini modernizatsiya qilish, eksport salohiyatini oshirish va yangi ish o‘rinlarini yaratishga xizmat qiladi, bu esa Surxondaryoni mintaqaviy qishloq xo‘jaligi markaziga aylantirish imkonini beradi.
