Qumqo‘rg‘on tumanining “Yangi qishloq” mahallasida mahalliy dehqonlar piyoz hosilini yig‘ib olish ishlarini boshladi. “Bir mahalla — bir mahsulot” tamoyili asosida piyoz va karam yetishtirish tizimli yo‘lga qo‘yilgan bo‘lib, mahsulotlarning bir qismi ichki bozorga, qolgan qismi esa eksportga yo‘naltirilmoqda.
Mahallada 785 xonadondan taxminan 70 foizi sabzavotchilik bilan shug‘ullanadi. Tajribali dehqonlar, masalan, Abdurahmonov Omon bobo, o‘z tomorqasidan yuqori hosil olishga erishmoqda. Ushbu tizimli mehnat mahalladagi aholining barqaror daromad manbayiga ega bo‘lishini ta’minlamoqda.
