O‘zbekiston Respublikasi tomonidan Eron xalqiga insonparvarlik yordami yetkazildi. Yordam tarkibiga un, guruch, shakar, makaron mahsulotlari, kungaboqar yog‘i, turli konservalar, shuningdek, dori vositalari va tibbiy buyumlar kiritilgan.
Insonparvarlik yuklarini qabul qilish marosimida Eronning Daregaz shahri hokimi Mujtabo Bazmara, Eron Tashqi ishlar vazirligining Xuroson Razaviy viloyatidagi vakolatxonasi rahbari Ali Masumifar hamda Eronning Turkmanistondagi elchisi Ali Mujtaba Ruzbexani ishtirok etdi.
Eron rasmiylari ko‘rsatilgan yordam va e’tibor uchun O‘zbekiston Respublikasi Prezidentiga minnatdorlik bildirib, ushbu tashabbus ikki mamlakat o‘rtasidagi do‘stlik va o‘zaro qo‘llab-quvvatlashning yorqin ifodasi ekanini ta’kidladi.
