Muborak Ramazon oyi munosabati bilan Surxondaryo viloyatida aholini arzon va sifatli mahsulotlar bilan ta’minlash maqsadida Airitom Free Zone hududida “Ramazon yarmarkasi” tashkil etildi.
Mazkur yarmarka O‘zbekiston hamda Afg‘oniston tadbirkorlari ishtirokida o‘tkazilmoqda. Unda kundalik ehtiyoj uchun zarur bo‘lgan mahsulotlar ishlab chiqaruvchilar tomonidan to‘g‘ridan-to‘g‘ri korxona narxlarida hamda arzonlashtirilgan shaklda taklif etilmoqda.
Yarmarka doirasida aholi un va o‘simlik yog‘i, tuxum, dori-darmon vositalari, turli xil shirinliklar hamda boshqa oziq-ovqat va xalq iste’moli mollari kabi mahsulotlarni hamyonbop narxlarda xarid qilish imkoniyatiga ega.
Shuningdek, xaridorlar uchun keng turdagi mahsulotlar taqdim etilib, ularni ishlab chiqaruvchilardan to‘g‘ridan-to‘g‘ri ulgurji narxlarda sotib olish imkoniyati yaratilgani bilan ham ushbu yarmarka alohida ahamiyat kasb etmoqda.
