2026-yil 1-martdan boshlab yo‘l harakati qoidalarini buzganlik uchun rasmiylashtiriladigan jarima xatlarini pochta orqali yetkazib berish xizmati vaqtincha to‘xtatilishi mumkin.
O‘zbekiston pochtasi ma’lum qilishicha, bunga 2026-yil uchun Ichki ishlar vazirligi hamda “Xavfsiz shahar” tizimlarini rivojlantirish davlat muassasasi bilan tegishli shartnoma imzolanmagani sabab bo‘lgan.
Shu bois, mazkur yo‘nalishdagi ma’muriy bayonnomalar — jarima xatlari qabul qilinmaydi va yetkazib berilmaydi. Masala yuzasidan qo‘shimcha ma’lumotlar keyinroq e’lon qilinadi.
