Termiz shahridagi Kurash majmuasida yoshlar o‘rtasida 5-marotaba o‘tkazilayotgan “Besh tashabbus olimpiadasi va Paralimpiadasi” loyihalarining tantanali ochilish marosimi bo‘lib o‘tdi. Yuqori saviyada tashkil etilgan tadbir mamlakat bo‘ylab sport va sog‘lom turmush tarzini keng targ‘ib etishga qaratildi.
Ochilish marosimida respublikamizning barcha hududlari tadbirda onlayn formatda qatnashdi.
Mazkur loyiha yoshlar orasida sportga qiziqishni oshirish, sog‘lom turmush tarzini mustahkamlash hamda kelajakda xalqaro maydonlarda yurtimiz sharafini himoya qila oladigan iqtidorli sportchilarni aniqlashda muhim ahamiyat kasb etadi.
