Muborak Ramazon oyida insonparvarlik va mehr-oqibat tamoyillarini amalda namoyon etish maqsadida Qumqo‘rg‘on tumanida manzilli xayr-saxovat tadbirlari tashkil etildi. Ushbu ezgu tashabbuslar doirasida 250 nafardan ortiq ijtimoiy himoyaga muhtoj oilalar va keksalarga oziq-ovqat mahsulotlari topshirildi.
Viloyat hokimi Ulug‘bek Qosimov ommaviy qabul avvalida yurtdoshlarimizni Ramazon oyining ezgulik, bag‘rikenglik va shukronalik ruhida samimiy muborakbod etdi. Qabulda ishtirok etish imkoniyati bo‘lmagan yakka yolg‘iz keksalar va nogironligi bo‘lgan fuqarolar xonadonlariga ham yordamlar bevosita yetkazib berildi.
Mazkur tadbirlar Ramazon oyining bosh g‘oyasi — ezgulik ulashish, ijtimoiy birdamlikni mustahkamlash va mehr-muruvvatni keng yoyishga xizmat qilmoqda.
