Qumqo‘rg‘on tumanida hayot sifatini yaxshilash va shaharning infratuzilmasini zamonaviy talablar darajasiga ko‘tarish maqsadida keng ko‘lamli qurilish va obodonlashtirish ishlari olib borilmoqda.
Hozirda tuman markaziy shifoxonasiga olib boruvchi yo‘l hamda Beruniy ko‘chasida quyidagi ishlar amalga oshirilmoqda: yo‘l qoplamasi yangilanmoqda, piyodalar yo‘laklari tartibga keltirilmoqda, yashil hududlar kengaytirilmoqda va muhandislik-kommunikatsiya tarmoqlari yangilanmoqda.
Ushbu chora-tadbirlar nafaqat ko‘cha va yo‘l infratuzilmasini yaxshilashga xizmat qiladi, balki aholi uchun qulay, xavfsiz va zamonaviy muhit yaratadi. Shuningdek, piyodalar va transport harakati xavfsizligi oshiriladi, shaharning umumiy obodligi yanada yaxshilanadi.
