Surxondaryo viloyati hokimi Ulug‘bek Qosimov Termiz tumani Yangi hayot mahallasida joylashgan “Xursandoy” sanatoriysi hududida tashkil etilgan keksalarni kunduzgi parvarishlash markazi faoliyati bilan yaqindan tanishdi.
Tashrif davomida markazda yaratilgan shart-sharoitlar ko‘zdan kechirilib, xizmatlardan foydalanayotgan keksalar hamda nogironligi bo‘lgan fuqarolar bilan suhbatlashildi, ularning fikr va takliflari tinglandi.
Shuningdek, ijtimoiy himoya sohasi mas’ullari tomonidan viloyatda Davlat ijtimoiy sug‘urta tizimi faoliyatini joriy etish bo‘yicha ishlab chiqilgan rejalar taqdimot qilindi.
Viloyat rahbari samarasiz ishlayotgan yoki bo‘sh turgan binolardan samarali foydalangan holda, zamonaviy shart-sharoitlar yaratish orqali keksalarni kunduzgi parvarishlash xizmatlarini tashkil etish, shuningdek, mazkur xizmatlar qamrovini kengaytirish yuzasidan tegishli vazifalarni belgilab berdi.
