Buxoro davlat universiteti mezbonligida bo‘lib o‘tgan nufuzli xalqaro kimyo va matematika fan olimpiadalarida (BIMO–2026 va BICHO–2026) 10 dan ortiq davlatdan 500 nafardan ziyod talabalar ishtirok etdi. Ular orasida Termiz davlat universiteti talabalari ham faol ishtirok etib, yuksak natijalarga erishdilar.
Xususan, kimyo yo‘nalishidagi iqtidorli talabalarimiz 1 ta kumush va 3 ta bronza medalini qo‘lga kiritgan bo‘lsa, matematika yo‘nalishi talabalari ham aynan shunday natijani qayd etib, nafaqat TerDU, balki vohamiz sharafini munosib himoya qildilar.
Olimpiadaning tantanali taqdirlash marosimida talabalar bilan bir qatorda, ularni ushbu yutuqlarga yetaklagan professor-o‘qituvchilarga ham alohida ehtirom va hurmat ko‘rsatildi.
