Xabaringiz bor, Surxondaryo viloyati hokimi Ulug‘bek Qosimov rahbarligida ishsiz yoshlar ishtirokida o‘tkazilgan uchrashuvda belgilab berilgan topshiriqlar berilgan edi. Ayni topshiriqlar ijrosi doirasida aniq va manzilli amaliy ishlar olib borilmoqda. Xususan, yoshlarning bandligini ta’minlash, ularni qiziqish va salohiyatidan kelib chiqib kasbga yo‘naltirish bo‘yicha masʼullar biriktirildi. Shunga ko‘ra, Termiz davlat universitetida 12 nafar yosh bilan individual ishlash jarayonlari yo‘lga qo‘yildi.
Boysunlik Toshtemir Po‘latov universitet mediastudiyasida o‘z kasbiy ko‘nikmalarini rivojlantirib, qiziqqan yo‘nalishi bo‘yicha mustaqil blogerlik faoliyatini boshlash imkoniyatiga ega bo‘ldi.
Termiz davlat universitetida yoshlar bandligini ta’minlash bo‘yicha berilgan topshiriqlar ijrosini sifat va natijadorlik asosida tashkil etish, har bir yosh uchun barqaror bandlikka erishish maqsad qilgan.
