Viloyat hokimi Ulug‘bek Qosimovning Qumqo‘rg‘on tumaniga tashrifi davomida tuman markazidagi markaziy ko‘cha bo‘ylab infratuzilma holati atroflicha ko‘zdan kechirildi. Tashrif jarayonida avtomobil yo‘llarini ta’mirlash, muhandislik-kommunikatsiya tarmoqlarini yaxshilash, hududni namunali ko‘chaga aylantirish hamda shaharsozlik qiyofasini zamonaviy talablar asosida tubdan yangilash bo‘yicha mas’ullarga aniq vazifalar belgilab berilgan edi.
Mazkur topshiriqlar ijrosi doirasida tuman markazining Beruniy ko‘chasida keng ko‘lamli qurilish va obodonlashtirish ishlari izchil davom ettirilmoqda. Jumladan, yo‘l qoplamasini yangilashga tayyorgarlik ishlari olib borilmoqda, piyodalar yo‘laklari tartibga keltirilmoqda, muhandislik-kommunikatsiya tarmoqlari qayta ko‘rib chiqilmoqda hamda ko‘cha infratuzilmasi zamonaviy meyorlar asosida yaxshilanmoqda.
Shuningdek, hududni obodonlashtirish, ko‘kalamzorlashtirish va tashqi ko‘rinishini yanada chiroyli va qulay holatga keltirish bo‘yicha ham tizimli ishlar amalga oshirilmoqda. Ushbu ishlar yakunida Beruniy ko‘chasi aholiga qulay, xavfsiz va zamonaviy shahar muhitini ta’minlovchi namunali ko‘chalardan biriga aylanishi ko‘zda tutilgan.
