Termiz shahridagi “Kurash” sport majmuasida viloyatdagi barcha mahallalar yoshlari yetakchilariga sport jihozlarini topshirish tadbiri bo‘lib o‘tdi. Tadbir “Besh tashabbus olimpiadasi” doirasida joriy yilning sport musobaqalari oldidan tashkil etildi va unda sportchilar hamda keng jamoatchilik vakillari ishtirok etdi.
Sport vazirligi tomonidan taqdim etilgan sport anjomlari va shaxmat kitoblari 723 ta mahalladagi yoshlarga yetkazildi. Ushbu tashabbus yoshlarni jismoniy rivojlanishga, sog‘lom hayot tarzini shakllantirishga hamda mahallalarda sportni rivojlantirishga katta imkoniyat yaratadi.
