1-yanvardan boshlab mahalliy sanoat korxonalari tomonidan ishlab chiqarilgan mahsulotlarni ommaviy axborot vositalari orqali targ‘ib qilish xarajatlari davlat tomonidan qoplab beriladi. Reklama TV, radio, gazeta va jurnallar, onlayn platformalar va ijtimoiy tarmoqlar, bilbordlar, tashqi reklama hamda xorijiy internet platformalari va mobil ilovalarda amalga oshirilishi mumkin.
Davlat xarajatlarning 50 foizdan 100 foizgacha qismini qoplaydi, biroq yillik limit 250 million so‘mdan oshmasligi belgilangan. Mablag‘lar Savdoga ko‘maklashish jamg‘armasi hisobidan ajratiladi. Ushbu chora korxonalarni mahsulotlarini keng targ‘ib qilish va ichki bozorda raqobatbardoshligini oshirish imkonini beradi.
