Surxondaryo viloyati hokimi Ulug‘bek Qosimov tashabbusi bilan umumta’lim maktablari hududlarida “BOOK CAFE”lar tashkil etish loyihasi Boysun tumanida ham izchil amalga oshirilmoqda. Mazkur tashabbus yoshlarning bo‘sh vaqtini mazmunli o‘tkazish, kitobxonlik madaniyatini oshirish va zamonaviy bilim olish uchun qulay muhit yaratishga qaratilgan.
Loyiha doirasida Boysun tumanining “Mustaqillik” mahallasida joylashgan 39-sonli umumta’lim maktabi hududida navbatdagi “BOOK CAFE” tantanali ravishda foydalanishga topshirildi. Maskanda Wi-Fi internet, elektron kitoblar, onlayn resurslardan foydalanish hamda sog‘lom ovqatlanish xizmatlari yo‘lga qo‘yilgan.
Ochilish marosimida nuroniylar, o‘qituvchilar, jamoatchilik vakillari va yoshlar ishtirok etib, ushbu ilm-ma’rifat maskanining faoliyatiga ezgu tilaklar bildirildi.
