Qumqo‘rg‘on tumanidan o‘tuvchi 4R-101 avtomobil yo‘lining 0–7 kilometr qismida keng ko‘lamli qayta qurish ishlari amalga oshirilmoqda.
Loyiha-smeta hujjatlariga muvofiq, qurilish-ta’mirlash ishlari ikki bosqichda amalga oshirilishi belgilangan.
Birinchi bosqich doirasida avtomobil yo‘li bo‘ylab joylashgan 3 ta ko‘prik to‘liq qayta qurildi. Jumladan, texnik holati talabga javob bermagan eski ko‘priklar butunlay demontaj qilinib, ularning o‘rnida zamonaviy, mustahkam va xavfsizlik talablariga to‘liq javob beradigan yangi ko‘priklar barpo etildi.
Hozirgi kunda loyihaning ikkinchi bosqichi boshlab yuborilgan bo‘lib, ushbu bosqichda avtomobil yo‘lining 3,0 kilometr qismida asfalt yotqizish ishlari bajarilishi rejalashtirilgan. Ayni paytda belgilangan ish rejasi asosida yo‘l asosini tekislash, mustahkamlash hamda asfalt yotqizish ishlari jadal sur’atlarda olib borilmoqda.
