Termiz tuman hokimiga biriktirilgan otaliqqa olingan yoshlar bilan navbatdagi uchrashuv tashkil etildi. Mazkur uchrashuvda yoshlarning kundalik turmush tarzi, yashash sharoiti, tarbiyasi, xulq-atvori hamda qiziqishlari atroflicha o‘rganildi.
Muloqot jarayonida har bir yoshning muammolariga alohida e’tibor qaratilib, ularni bartaraf etish bo‘yicha aniq yo‘nalishlar belgilandi. Xususan, yoshlarni ta’lim olishga yo‘naltirish, kasb-hunar egallashga rag‘batlantirish hamda ularning jamiyatda munosib o‘rin egallashiga ko‘maklashish masalalari yuzasidan tavsiyalar berildi.
Uchrashuv yakunida 7 nafar yoshning mavjud muammolarini hal etish bo‘yicha tegishli tashkilot va mutasaddi idoralarga aniq ko‘rsatmalar berildi. Mazkur tashabbus yoshlarning kelajagini qo‘llab-quvvatlash, ularni ijtimoiy faollikka jalb etish va hayotda o‘z yo‘lini topishiga xizmat qilishi bilan ahamiyatlidir.
