Chorrahaga svetofor o‘rnatildi

Oltinsoy tumani “Sayrak” mahallasida joylashgan chorrahada aholi va yo‘lovchilar uchun qulaylik yaratish maqsadida svetofor qurilmasi o‘rnatildi. Mazkur chorraha avval svetoforsiz bo‘lib, transport oqimining zichligi sababli piyodalar va haydovchilar uchun bir qator noqulayliklar hamda xavfli holatlar yuzaga kelayotgan edi.
Yangi o‘rnatilgan svetofor orqali yo‘l harakati tartibga solinib, piyodalar xavfsizligini ta’minlash, avtotransport vositalari harakatini muvofiqlashtirish va tirbandliklarning oldini olish ko‘zda tutilgan. Ushbu amaliy chora mahalla aholisi hamda yo‘lovchilar tomonidan ijobiy baholanmoqda.
Mazkur tashabbus hududda yo‘l harakati xavfsizligini oshirish, fuqarolar uchun yanada qulay va xavfsiz muhit yaratishga xizmat qiladi.