O‘zbekiston Respublikasi Prezidentining tegishli qaroriga muvofiq, mehnat migratsiyasiga ketgan fuqarolarning farzandlarini har tomonlama qo‘llab-quvvatlashga qaratilgan tadbirlar izchil amalga oshirilmoqda.
Mazkur tashabbuslar doirasida bolalar o‘rtasida bepul profilaktik tibbiy ko‘rik tashkil etildi. Tibbiyot birlashmasi shifokorlari tomonidan bolalarning umumiy sog‘lig‘i, jismoniy rivojlanishi, ko‘rish va nafas olish tizimi holati hamda boshqa muhim tibbiy ko‘rsatkichlar batafsil tekshirildi.
Shuningdek, ota-onalar va bolalarga sog‘lom turmush tarzi, to‘g‘ri ovqatlanish hamda mavsumiy kasalliklarning oldini olish bo‘yicha zarur tavsiyalar berildi. Ushbu tadbir migratsiyada ishlayotgan ota-onalar farzandlarining sog‘lig‘ini muntazam nazorat qilish va ularni ijtimoiy jihatdan qo‘llab-quvvatlashga xizmat qilmoqda.
