Maktabgacha va maktab taʻlimi vazirligi tomonidan tashkil etilgan “Jadidlar izidan” respublika tanlovining final bosqichi qatnashchilari poytaxtga yetib kelishdi.
Yakuniy bosqichdan oldin o‘quvchilar uchun qator madaniy va ma’rifiy uchrashuvlar tashkil etilmoqda. Jumladan, ular Oʻzbekistondagi Islom sivilizatsiyasi markazida boʻlib, eksponatlar va videokontentlar orqali yurtimiz tarixi, turli asrlarda ilm-fan va madaniyat taraqqiyoti bilan yaqindan tanishishdi. Maʻlumot oʻrnida: tanlovning final bosqichi gʻoliblari xorijga taʻlim sayohati yoʻllanmasini qoʻlga kiritadi.
