Qumqo‘rg‘on tumanida “Yong‘in xavfsizligi oyligi” munosabati bilan yong‘in va gaz bilan bog‘liq favqulodda vaziyatlarning oldini olishga qaratilgan targ‘ibot ishlari izchil olib borilmoqda.
Xususan, tuman FVB xodimlari hamda hamkor tashkilotlar vakillari bilan ijtimoiy soha obyektlari, savdo va ovqatlanish shoxobchalari, shuningdek, ko‘p qavatli uylar va aholi xonadonlarida fuqarolarga is gazi, gaz-havo aralashmasi va yong‘in xavflarining oldini olish bo‘yicha amaliy tushunchalar berildi.
Profilaktika tadbirlarida birlamchi yong‘in o‘chirish vositalaridan foydalanish, qish mavsumida isitish jihozlaridan to‘g‘ri foydalanish hamda favqulodda vaziyatlarda harakatlanish qoidalari batafsil tushuntirilmoqda.
Mazkur targ‘ibotlar aholining xavfsizlik borasidagi xabardorligini oshirish, is gazi bilan bog‘liq ko‘ngilsiz holatlarning oldini olish va yong‘in xavfini kamaytirishga xizmat qiladi.
