Janubiy Koreyada bo‘lib o‘tgan O‘zbekiston–Janubiy Koreya biznes davra suhbati yakunida «O‘zeltexsanoat» uyushmasi va Koreyaning yetakchi robototexnika kompaniyasi «Robotis» o‘rtasida anglashuv memorandumi imzolandi.
Mazkur hujjat O‘zbekistonda odamsimon robotlar ishlab chiqarish, robototexnika sanoatini rivojlantirish uchun zarur texnologik baza, ishlab chiqarish quvvatlari va malakali kadrlar tayyorlash tizimini yaratishni nazarda tutadi.
Uchrashuvda yurtimiz nomidan delegatsiya ishtirok etib, ikki davlat o‘rtasida yuqori texnologiyalar, sanoat tarmoqlari va investitsiyaviy hamkorlikni yanada kengaytirish masalalari muhokama qilindi. Bu tashabbus O‘zbekistonning texnologik rivojlanishida yangi bosqichni boshlab berishi kutilmoqda.
