Jarqo‘rg‘on tumanidagi 7-son “Oltin kalitcha” DMTTda “Hilpira bayrog‘im” shiori ostida keng qamrovli va ma’noli bayram tadbiri tashkil etildi. Tadbirning bosh maqsadi — davlatimiz ramzlari, xususan, O‘zbekiston bayrog‘iga nisbatan hurmat, faxr va iftixor tuyg‘usini kichik yoshdan boshlab bolajonlar qalbiga singdirish, ularda Vatanga sadoqat va g‘urur hissini tarbiyalashdan iborat bo‘ldi.
Bayram jarayoni ko‘tarinki ruhda, yuksak tayyorgarlik bilan o‘tkazildi. Kichkintoylarning chiqishlarida ularning mas’uliyat bilan tayyorlangani, mavzuning mazmun-mohiyatini qalban his etgani yaqqol sezildi. Ular Vatan bayrog‘i, tinchlik va yurt ravnaqi mavzusiga bag‘ishlangan she’r va qo‘shiqlarni ijro etib, sahna ko‘rinishlarini namoyish etdilar.
Bolajonlarning har bir chiqishi nafaqat quvonch, balki yurtimiz ramzlariga bo‘lgan cheksiz hurmatning yorqin ifodasi sifatida ishtirokchilarga katta taassurot qoldirdi. Ushbu tadbir yosh avlodda milliy g‘urur va iftixorni yanada kuchaytirishga xizmat qildi.
Muslima Mo‘minova
